fidan qarataghda

türkiye awazi radiyosi xewiri: tashqi ishlar ministiri xaqan fidan sherqiy jenubiy yawropa hemkarliq musapisi bashliqlar yighinigha qatnishish üchün yétip barghan qarataghda qaratagh - türkiye soda uyushmisining échilish murasimida söz qildi.

fidan türkiyening qaratagh bilen tarixiy, insanperwerlik, siyasiy we medeniyet alaqisi barliqini tekitlep, bu küchlük munasiwetlerning iqtisad sahesidimu chongqurlishiwatqanliqini eskertip mundaq dédi: «bu yilning axirida soda – sanaetchililirimiz békitken kiye bilen qaratagh otturisidiki soda omumiy sommisini 250 milyon dollargha yetküzüsh nishanimizgha yétishni ümid qilimiz.».

u qarataghda bolupmu énérgiye, sayahet, ul eslihe, maarip, sehiye, déhqanchiliq, ormanchiliq, uchur – alaqe we uchurlashturush qatarliq sahelerde meblegh sélish yoshurun küchining barliqini bayan qildi.

puqralar awiyatsiyesi sahesidiki hemkarliqinimu chongqurlashturghanliqlirini qeyt qilghan fidan heptilik nöwetchi ayropilanlirining  sanini 14 din 17 ge köpeytken türkiye hawa yolliri shirkitining 100 mingdin artuq üchinchi dölet sayahetchisini qarataghqa yetküzgenlikini, pégasus hawa yolliri shirkitiningmu 7-ayning 19-küni qarataghqa ayropilan seperlirini bashlaydighanliqini eskertti.

tashqi ishlar ministiri xaqan fidan uchrishishliri dairiside qarataghning muawin bash ministiri we boshnaq partiyesi reisi érwin ibrahimowich bilen körüshti.

türkiye tashqi ishlar ministirliqining  ammiwi ortaqlishish tor béti Twitter sehipiside, bu heqte élan qilinghan bayanatida, mundaq déyildi: «tashqi ishlar ministirimiz boshnaq partiyesining tarixiy saylamda qolgha keltürggn ghelibisini tebriklidi, shundaqla qarataghliq boshnaq qérindashlirimizni dawamliq qollaydighanliqimizni tekitlidi.»

xaqan fidan qaratagh islam birleshmisining reisi rifat féjzichning riyasetchilikide paytext podgorikada ötküzülgen «qurban héyt» ni kütüwélish ziyapitigimu ishtirak qildi.