قۇرتۇلمۇش سانجرانى بىلەن كۆرۈشتى
تۈركىيە بۈيۈك مىللىي مەجلىسى رەئىسى نۇمان قۇرتۇلمۇش پاكىستان كېڭەش پالاتاسى باشلىقى مۇھەممەد سادىق سانجرانى بىلەن تېلېفونلاشتى.
تۈركىيە ئاۋازى رادىيوسى خەۋىرى: تۈركىيە بۈيۈك مىللىي مەجلىسى بايانات ئېلان قىلىپ، پاكىستان كېڭەش پالاتاسى باشلىقى سانجرانى نۇمان قۇرتۇلمۇشقا تېلېفون قىلىپ، ئۇنىڭ تۈركىيە بۈيۈك مىللىي مەجلىسىن باشلىقلىقىغا تەيىنلەنگەنلىكىنى تەبرىكلىگەن ۋە خىزمەتلىرىگە ئۇتۇق تىلىگەنلىكىنى بىلدۈردى.
باياناتتا كۆرسىتىلىشچە، سانجرانىغا مىننەتدارلىقىنى بىلدۈرگەن قۇرتۇلمۇش، پاكىستان ھۆكۈمىتى ۋە خەلقىنىڭ (6-فېۋرال) تۈركىيەدە مەيدانغا كەلگەن يەر تەۋرەش ئاپىتىدىن كېيىنكى ھەمكارلىق روھىنى ئەسلەپ ئۆتكەن.
ئىككى دۆلەت ئوتتۇرىسىدىكى ھەمكارلىق، كونا دوستلۇق ۋە قېرىنداشلىقنىڭ مەڭگۈ ئەستە ساقلىنىدىغانلىقىنى تىلغا ئالغان قۇرتۇلمۇش، گىرېتسىيە دېڭىز قىرغىقىدا غەرق بولۇپ كەتكەن كۆچمەن كېمىسىدە پاكىستان پۇقراسى نۇرغۇن كىشىنىڭ ھاياتىدىن ئايرىلغانلىقىدىن چوڭقۇر قايغۇرغانلىقىنى بىلدۈرگەن ۋە بۇ مۇناسىۋەت بىلەن پاكىستان خەلقىدىن ھال سورىغان.
