dölet xewpsizlik kéngishi türkiye esiridiki bixeterlik toghrisida xitabname élan qildi
dölet xewpsizlik kéngishi (MGK) türkiye esirining bashlanghanliqini bildüridighan yéngi dewrde (2023), döletning bixeterliki, tinchliqi we parawanliqigha kapaletlik qilish üchün oxshash irade bilen qedem tashlinidighanliqini bildürdi.
türkiye awazi radiyosi xewiri: tünügün (2023-yili 8-iyun) jumhur reis rejep tayyip erdoghanning riyasetchilikide jumhur reislik mehkimiside ötküzülgen dölet xewpsizlik yighinidin kéyin xitabname élan qilindi.
xitabnamede, p k k| k j k-p y d|y p g, fethullahchi we daésh térrorluq teshkilatliri qatarliq milliy ittipaqliq, milliy barawerlik hemde döletning mewjutluqigha qarita her xil tehdit we xewp-xeterlerge qarshi dölet ichi we sirtida élip bérilghan heriketler heqqide kéngeshke melumat sunulghanliqi qeyt qilindi.
xitabnamede, süriyening zémin pütünlükini qoghdash we u dölette uzun muddetlik tinchliq hemde muqimliq ornitishning peqet térrorluq teshkilatliridin tazilash arqiliq mumkin bolidighanliqi, kosowudiki künséri küchiyiwatqan jiddiylikning rayondiki nazuk tengpungluqni buzidighan kirizisqa aylinishining aldini élish meqsitide söhbet we kéngishish musapisi dawamlishiwatqan bir peytte, türkiyening rayonni qollishining ehmiyiti tekitlendi.
xitabnamede, rusiye-ukraina urushining rayonning xetirini ashuruwétidighan tesirliri üstide muhakimelerning qilinghanliqi, ezerbeyjan bilen erméniye otturisidiki söhbet musapiside qolgha keltürülgen ilgirileshlerdin memnunluq hés qilinghanliqi qeyt qilindi.
xitabnamede yene mundaq déyildi:
«sudandiki toqunushqan alaqidar terepler, tézdin uzun muddetlik urush toxtitishni élan qilish arqiliq ötkünchi basquchning netijilirini qoghdashqa we mesililerni muresse yoli bilen hel qilishqa chaqirimiz. türkiye sudanda tinchliq we muqimliqni qolgha keltürüsh üchün barliq tirishchanliqlarni hazirghiche qilghinidek buningdin kéyinmu türlük shekilde dawamlashturidu.»
