erdoghan qesem bérip wezipe öteshni bashlaydu

türkiye awazi radiyosi xewiri: tunji murasim paytext enqerediki türkiye büyük milliy mejliside ötküzülidu؛ erdoghan türkiye büyük dölet mejliside resmiy murasim ötküzülüp kütüwélinidu.

milliyetchi (milletchi) heriket partiyesi bashliqi dewlet bahcheli türkiye büyük milliy mejlisining muweqqet bashliqi bolush süpiti bilen, aldi bilen jumhur reis erdoghangha jumhur reislik guwahnamisini sunidu. andin erdoghan türkiye büyük millet mejlisi omumiy yighin zalida qesem béridu.

dunya elliri bu murasimgha yéqindin köngül bölmekte؛ bu dairide shimaliy atlantik ehdi teshkilati — nato bash katipi yéns stolténbérg türkiyege kélip, jumhur reis erdoghanning qesem bérish murasimigha qatnishidu we yuqiri derijilik emeldarlar bilen muhim söhbetlerni ötküzidu.

murasimgha yene wénézuéla pirézidénti nikolas maduro, pakistan bash ministiri shahbaz sherif, ezerbeyjan pirézidénti ilham eliyéw, erméniye bash ministiri nikol pashinyan qatarliq rehberler qatnishidu؛ buningdin bashqa somali, aljiriye we balqan döletlirmu pirézidént derijiside qatnishidu. qatar bash ministiri al saniningmu türkiye büyük milliy mejlisining dunya rehberliri üchün ajritilghan yéridin ornini élishi kütülmekte.

jumhur reis erdoghanning bezi döletlerge tashqi ishlar ministirliri wekillik qilidighan qesem bérish murasimigha amérika qoshma ishtatlirigha wakaliten bash elchi jéfri fléyk, rusiyege wakaliten dölet dumasi (parlaménti) reisi wyachéslaw wolodin qatnishidu.

erdoghan türkiye büyük milliy mejlisidiki qesem bérish murasimidin kéyin, türkiye jumhuriyitining qurghuchisi mustapa kemal atatürkning jesiti qoyulghan anitqabir (atatürk xatire sariyi)gha baridu.