әрдоған вучич вә курти билән телефонлашти
дөлитимиз (түркийә җумһурийити) җумһур рәиси рәҗәп таййип әрдоған сербийә пирезиденти александир вучич вә косову баш министири албин курти билән телефонда көрүшти.
түркийә авази радийоси хәвири: түркийә җумһурийити җумһур рәислик мәһкимиси учур – алақә ишлири идарисиниң билдүрүшичә, җумһур рәис рәҗәп таййип әрдоған сербийә пирезиденти александир вучич вә косову баш министири албин курти билән телефонда көрүшкән.
телефон сөһбәтлиридә, сербийә пирезиденти александир вучич билән косову баш министири албин курти җумһур рәис рәҗәп таййип әрдоғанниң қайта җумһур рәис болғанлиқини тәбриклигән.
икки тәрәп мунасивәтлири вә районлуқ өзгиришләр тоғрилиқ музакирә елип берилған телефон сөһбәтлиридә, җумһур рәис әрдоған косовуниң шималидики өзгиришләр һәққидә тохтилип, районда узун муддәтлик тинчлиқ вә муқимлиқ орнитишниң бирдинбир йолиниң сөһбәт мусаписидә илгириләш һасил қилиш икәнликини тәкитлигә,. шундақла түркийәниң сөһбәт мусаписигә тегишлик төһпә қошушқа тәййар икәнликини байан қилған.
