19 - may atatürkni xatirilesh, yashlar we tenterbiye bayrimi türkiye miqyasida tebriklenmekte
türkiye jumhuriyiti yashlar we tenterbiye ministirliqi türkiyening her qaysi jaylirida paaliyetlerni uyushturup, yashlar heptisi we 19 - may atatürkni xatirilesh, yashlar we tenterbiye bayrimini qizghin tebriklimekte.
türkiye awazi radiyosi xewiri: türkiye jumhuriyiti yashlar we tenterbiye ministirliqi yashlar heptisi we 19 - may atatürk, yashlar we tenterbiye bayrimini xatirilesh dairiside, 5 - ayning 15 - künidin 21 – künigiche «yéshimiz hemishe 19» dégen téma astida her qaysi sheherlik hökümetler, uniwérsitétlar, puqralar jemiyetliri, ammiwi organlar bilen hemkarliship, medeniyet, senet we tenterbiye paaliyetlirini teshkillimekte.
paaliyetning bir qismi süpitide, türkiyening 81 wilayitidin, shundaqla shimaliy qibris türk jumhuriyiti we ezerbeyjandin kelgen yashlar aldi bilen paytext enqerede uchrishidu.
yashlar türkiye jumhuriyiti yashlar we tenterbiye ministirliqi, türkiye büyük milliy mejlisi (parlaménti) we pirézidéntliq mehkimisi qatarliq orunlarni ékskursiye qilidu.
