әрдоған: «зигана тонели» тәрәққийатниң символи болиду
дөлитимиз (түркийә җумһурийити) җумһур рәиси рәҗәп таййип әрдоған «зигана теғи» дин өткили болидиған қилған йеңи «зигана тонели» ниң, районниң һәр саһәдики тәрәққийатиниң символиға айлинидиғанлиқини ейтти.
түркийә авази радийоси хәвири: җумһур рәис әрдоған трабзонда өткүзүлгән йеңи «зигана тонели» ни хизмәткә кириштүрүш мурасимида қилған сөзидә, бу тонелниң дунйа бойичә үчинчи, йавропа вә түркийә бойичә әң узун қош тонел қилип йасалғанлиқини ейтти.
әрдоған трабзон билән гүмүшханә оттурисидики бу тонел арқилиқ қарадеңизни шәрқий вә шәрқий җәнуби анадолуға, у йәрдин иран вә оттура шәрққә, йәни тарихий йипәк йолиға туташтурғанлиқлирини тәкитләп мундақ деди: «<зигана теғи> дин өткили болидиған қилған йеңи <зигана тонели> районимизниң һәр саһәдики тәрәққийатиниң символиға айлиниду. вақит, йеқилғу теҗәш вә карбон қойуп бериштин келидиған пайдилиридин башқа, қарадеңиз портлири билән дөлитимизниң җәнубий районлири оттурисида йеңи нәпәслиниш турубиси ечиватимиз.»
