تۈركىيەنىڭ مۇداپىئە سانائىتىدىكى تەرەققىياتلىرى گىرېتسىيەدە يېقىندىن كۆزىتىلمەكتە

تۈركىيە ئاۋازى رادىيوسى خەۋىرى: گىرېتسىيەدە چىقىدىغان «ئىسكرا گېزىتى»، تۈركىيە مۇداپىئە سانائىتىنىڭ يېقىنقى تەرەققىياتى تەرەپكە ھەممىنىڭ دىققىتىنى تارتىپ، «گىرېتسىيە ئۇرۇش سانائىتى ساھەسىدە كۆرۈنمەيۋاتقان بىر مەزگىلدە، تۈركىيە 5-ئەۋلاد كۈرەشچى ئايروپىلانىنى تونۇشتۇردى» سەرلەۋھىلىك خەۋەر ئېلان قىلدى.

گېزىت تۈركىيەنىڭ كۈرەشچى ئايروپىلانى «Kaan» ھەققىدە توختىلىپ، بۇ كۈرەشچى ئايروپىلانىنىڭ تۈركىيەدە ئىشلەپچىقىلرىلغان ئەقلىي ئىقتىدارلىق ئوق-دورا ئىشلىتىدىغانلىقىنى ۋە پۈتۈنلەي يەرلىك ئۇل- ئەسلىھەلەرگە ئىگە ئىكەنلىكىنى تەكىتلىدى.

«Eidiseis» گېزىتى بولسا، جۇمھۇر رەئىس ئەردوغاننىڭ «<Kaan> ۋە <Hürjet> قارشىسىدىكىلەرنى پاراكەندە قىلىدۇ» دېگەن سۆزىنى باش بەتتە ئېلان قىلدى ۋە تونۇشتۇرۇلغان تۈركىيە ئايروپىلانلىرىنىڭ ئالاھىدىلىكلىرىگە كەڭ ئورۇن ئاجراتتى.  

«ئارمىيە ئاۋازى تور بېتى» بولسا، «ئەردوغان 5-ئەۋلاد تۈركىيە ئۇرۇش ئايروپىلانى <Kaan> نى ئۇچۇردى» سەرلەۋھىلىك خەۋەر ئېلان قىلدى.

تور بەتتە، جۇمھۇر رەئىس ئەردوغاننىڭ تۈركىيە مۇداپىئە سانائىتىنىڭ ئىلگىرىلىشى توغرىسىدىكى سۆزلىرىگە ئورۇن ئاجرىتىلدى.