erdoghan yashlargha xitab qildi

türkiye awazi radiyosi xewiri: jumhur reis erdoghan ammiwi ortaqlishish tor bétidiki sehipiside yashlargha qilghan xitabida, tünügün türkiyening 60 yilliq arzusini emelge ashurghanliqliridin intayin pexirlinidighanliqlirini, aqquyu yadro éléktr istanssigha tunji yadro yéqilghusi élip kelgenliklirini qeyt qildi.

erdoghan aqquyu yadro éléktr istanssi arqiliq türkiyeni tereqqiy tapqan döletler yillardin buyan ishlitip kéliwatqan yéshil énérgiye téxnologiyesige ige qilghanliqlirini eskertti.

jumhur reis erdoghan aqquyu yadro éléktr istanssining «yadro muessesesi» salahiyitige ige ikenlikini tekitlep mundaq dédi: «aqquyu yadro éléktr istanssi toluq paaliyet élip bérishqa bashlighan chaghda, her yili 35 milyard kilowat saet tok ishlepchiqirilidu. bu élimizning tok ishlitish miqdarining % 10 ini qanduridu. shundaqla, yadro énérgiyesi sahesidiki layaqetlik xadimlirimizni téximu köp yétishtürüp chiqishimizda türtkilik rol oynaydu.»

«xudayim buyrusa, yadro éléktr istansimizning eng chong paydisini siler yashlar choqum körüsiler. siler bizning közimizning nuri, siler bizning ümidimiz. biz silerni intayin yaxshi körimiz, silerge ishinimiz, silerni parlaq kelgüsimizning binakarliri dep qaraymiz. biz taki türkiyening 100 yilliq qutluq dewri nishanigha yetkenge qeder siler üchün dawamliq xizmet ishleymiz.»