téknoféstning kéchiktürülgen échilish murasimi bügün ötküzüldi
awiyatsiye, alem qatnishi we téxnika féstiwali (bayrimi) — «téknofést»ning qattiq yamghur sewebidin bügünge kéchiktürülgen échilish murasimi istanbulda ötküzüldi.
türkiye awazi radiyosi xewiri: bu yil 6- qétimliqi ötküzülgen dunyaning eng chong alem qatnishi we awiyatsiye féstiwali istanbul atatürk ayrodurumida bashlandi.
yamghur sewebidin bügünge kéchiktürülgen féstiwalning resmiy échilish murasimi puqralarning küchlük qiziqishini qozghidi.
musabiqige chüshken yashlarni ziyaret qilghan bayqar téxnologiye shirkiti bashliqi selchuq bayraqtar, ammini féstiwalgha ékskursiye qilishqa teklip qildi.
türkiye döletlik mudapie sanaiti idarisi reisi ismail demir murasimda söz qilip: «biz bu yerde peqet mudapie sanaiti sahesiningla emes, insaniyetke paydiliq her xil téxnikilargha alaqidar paaliyetlerni körüwatimiz. pen – téxnika ateshi yanduruldi. 2071 – yili türkiye qarshi turghili bolmaydighan bir dölet bolidu» dégenlerni qeyt qildi.
