aqar töt terep yighinidin kéyin muxbirlarning soallirigha jawab berdi

türkiye dölet mudapie ministiri xulusi aqar térrorluq balayiapitidin baldurraq qutulush, rayonda tinchliq, muqimliq we xatirjemlikning ornitilishi üchün tirishchanliq körsitiliwatqanliqlirini éytti.

1979627
aqar töt terep yighinidin kéyin muxbirlarning soallirigha jawab berdi

türkiye awazi radiyosi xewiri: dölet mudapie ministiri xulusi aqar, türkiye istixbarat idarisining bashliqi hakan fidan, rusiye dölet mudapie ministiri sérgéy shoygu, süriye dölet mudapie ministiri eli mehmut abbas, iran dölet mudapie ministiri muhemmed réza astiyani we bu döletlerning istixbarat idarilirining bashliqliri bilen moskwada échilghan «töt terep yighini» da bir yerge jem boldi.

xulusi aqar moskwadin ayrilishtin ilgiri wnukowa ayrodurumida muxbirlarning yighin toghrisidiki soallirigha jawab berdi.

u töt terep yighinida her xil mesililer boyiche özara pikir almashturulghanliqini bildürüp: «her daim dep kelginimizdek, süriyening igilik hoquqigha, zémin pütünlükige hörmet qilidighanliqimizni, bizning süriyede bolushimizning birdinbir sewebining u yerde uwa tutqan térrorluq teshkilati p k k|y p g|p y d we daésh qatarliqlargha qarshi küresh ikenlikini, térroristlarni yoqitish üchün xizmetlirimizni izchil dawamlashturimiz. bundaq qilishning özimiz üchünla emes, belki süriyening zémin pütünlüki üchünmu intayin muhim ikenlikini tekitliduq» dédi.

u yene bir meqsetlirining süriyedin türkiyege qarita yüz bérish éhtimali bolghan yéngi köch dolqunining aldini élish ikenlikini eskertip: «qiliwatqan xizmetlirimiz bilen süriyede imkaniyetning bériche ijabiy, muqim muhitni kapaletke ige qilip we yaxshi weziyet yaritip, dölitimizde panahliniwatqan süriyelik qérindashlirimizni bixeter, özi xalighan we izzet-hörmiti bilen yurt-makanlirigha qaytishini emelge ashurushni meqset qilidighanliqimiznimu yighin ehlige yetküzduq» dédi.

u sözini mundaq axirlashturdi:

«biz térrorluq balayiapitidin baldurraq qutulush, dölitimiz, chégralirimiz we puqralirimizning bixeterlikini kapaletke ige qilish, rayonda tinchliq, muqimliq we xatirjemlikning ornitilishi üchün tirishchanliq körsitiwatimiz. buningda algha ilgirilesh üchün qolimizdin kélishiche tirishchanliq körsitip, xizmetlirimizni dawamlashturimiz.»



مۇناسىۋەتلىك خەۋەرلەر