türkiye daniyege qattiq naraziliq bildürdi

türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan bayanatta, mundaq déyildi: «daniyede tünügünmu yene bir qétim muqeddes kitabimiz quran kerim we shanliq bayriqimizgha qilinghan peskeshlerche hujumni qattiq eyibleymiz. agahlandurushlirimizgha qarimay, bundaq peskeshlerche hujumlargha pikir erkinliki namidin ruxset qilinishini qobul qilghili bolmaydu.»

bayanatta, türkiyening bu mesilige qarita pozitsiyesining daniyening enqerede turushluq bash elchisige yetküzülgenliki eskertilip mundaq déyildi: «yawropada yéqindin buyan kishini endishige salidighan derijide barghanséri ewj élip kétiwatqan islam düshmenliki we chet elliklerge öchmenlik qilishning eng roshen namayendisi bolghan bu peskeshlerche hujumlar  we buninggha oxshighan öchmenlik jinayetlirige qarshi bizning köp tereplik munberler we ikki tereplik sahelerdiki teshebbuslirimiz shek-shübhisiz halda izchil dawamlishidu.»

«daniyening bu mesilige sezgür pozitsiye tutmasliqi dunyaning herqaysi jayliridiki barliq musulmanlarning qattiq naraziliqini qozghimaqta. jümlidin daniye milyardlighan kishilerning naraziliqini nezerge almaywatidu.»

«ramizan éyida dawamlishiwatqan bu xil qutratquluqlarning aldi élinishi we tekrarlanmasliqi üchün, daniyedin küchlük tedbirlerni qollinishini yene bir qétim telep qilimiz.»

dölitimiz (türkiye jumhuriyiti) dölet mudapie ministiri xulusi aqarmu daniyediki quran kerim we türkiye bayriqining dawamliq hujum qilinishini qattiq eyiblep mundaq dédi: «buni kishilik hoquq , pikir erkinliki , medeniyet we zamaniwiliq uqumliri bilen chüshendürgili bolmaydu. biz alaqidar hökümetler we ministirliqlardin bu heqte derhal küchlük tedbirlerni qollinishini kütmektimiz.»

daniyede türkiyening kopénhagénda turushluq elchixanisining aldida türkiye bayriqi we quran kerimge hujum qilinghanidi.

daniyediki islam düshmenliki we esebiy milletchi payriotérné gar liw dep atilidighan radikal bir guruppa ezalirining bu qutratquluqi « Danske Patrioter Facebook » sehipiside neq meydandin tarqitilghanidi.

bu guruppining bir türküm ezaliri islamgha haqaret qilip shoarlarni towlighan we türkiye bayriqigha peskeshlerche hujum qilghanidi.

daniyede 24- we 31-mart künlirimu türkiyening kopénhagén elchixanisining aldida quran kerim we türkiye bayriqigha hujum qilinghanidi.