erdoghan: héch nerse türkiye esirini ishqa ashurush iradimizge tosqunluq qilalmaydu
jumhur reis rejep tayyip erdoghan héch nersining türkiye esirini ishqa ashurush iradilirige tosqunluq qilalmaydighanliqini éytti.
türkiye awazi radiyosi xewiri: jumhur reis erdoghan tünügün elaghizda elazigh apetke chidamliq turalghularni berpa qilish qurulushlirini ishqa kirishtürüsh we ammiwi turalghularning achquchlirini alaqidar orunlar we shexslerge tapshurup bérish muramisigha qatnashti.
erdoghan bu yerde qilghan sözide, yéqinqi 20 yil ichide elazigh shehirige 79 milyard liraliq meblegh sélinghanliqini tekitlep mundaq dédi: «sheherlik doxturxanimizdin aylanma yollirimizghiche, tosmilardin tebiiy gazghiche her sahede elazighni tarixida misli körülüp baqmighan mulazimetler bilen teminliduq.»
jumhur reis erdoghan sözini dawamlashturup mundaq dédi: «yer tewresh apetliri binalirimizni weyran qilishi, jénimizni élishi, iqtisadiy qiyinchiliqlar we yükimizni ashuruwétishi mumkin, emma herqandaq bir ish bizning étiqadimizni, iradimizni we ümidimizni yoqitip qoyalmaydu, türkiye esirini ishqa ashurush irademizge tosqunluq qilalmaydu.»
