mewlut chawushoghlu türkiyening nöl tashlanduq teshebbusi heqqide toxtaldi

tashqi ishlar ministiri mewlut chawushoghlu türkiyede muweppeqiyet qazanghan nöl tashlanduq teshebbusining dunyadimu muweppeqiyet qazinidighanliqini we birleshken döletler teshkilati (b d t) ning siyasiti süpitide téximu küchiyidu dep qaraydighanliqini éytti.

1968305
mewlut chawushoghlu türkiyening nöl tashlanduq teshebbusi heqqide toxtaldi

türkiye awazi radyosi xewiri: mewlut chawushoghlu b d t da 30-mart xelqara nöl tashlanduq küni alahide yighinigha qatnishish üchün tünügün amérikaning nyuyork shehirige yétip bérip, türk öyide türkiyelik muxbirlar bilen körüshti.

mewlut chawushoghlu nöl tashlanduq layihesining bolupmu b d t da maqullanghan qarar bilen dunyada ülgilik layihege shundaqla b d t ning siyasitige aylanghanliqini tilgha élip, 30-martningmu oxshash qarar bilen «xelqara nöl tashlanduq küni» dep tizimgha élinghanliqini eskertti.

tashqi ishlar ministiri chawushoghlu sözini dawamlashturup, «hörmetlik jumhur reisimiz dunya sistémisini, bolupmu b d t bixeterlik kéngishini islah qilish üchün qozghighan teshebbusni <dunya beshtin chong> dégen shuar bilen yuqiri kötürdi. pütün dunyada bu shoar ishlitilishke bashlandi. muhitni asrash mesilisi bilen bashqa mesililerdimu  <dunya beshtin chong> dégen shuar eslide bir özgirishtin direk bermekte. dunya tézla özgiriwatidu. nurghun mesililer bar. bu mesililerni hel qilish üchün xelqara sistéma téximu ünümlük bolushi kérek. téximu téz qarar chiqiralaydighan bolishi lazim. muhitni asrash mesilisidimu shundaq, urush mesiliridimu shundaq» dédi.

chawushoghlu b d t bilen élip bérilghan qara déngiz ashliq karidori kélishimi, mehbuslarni almashturush we urush qatarliq nurghun sahelerde türkiye bilen hemkarliship heriket qiliniwatqanliqini bildürdi.



مۇناسىۋەتلىك خەۋەرلەر