t r t afriqa qanili resmiy tarqitishni bashlidi

türkiye awazi radiyosi xewiri: t r t afriqa qanili t r t bilen afriqa axbarat birleshmisi istanbulda uyushturghan «birinchi tarqitish yighini» ning ikkinchi küni, yeni bügün (jüme) biwasite tarqitishni bashlidi. üch kün pilanlanghan t r t afriqa qanili bashliqlar yighini 30-mart bashlandi.

t r t ning bir terep we hemmige quchaq achqan xewerchilik nishanlirigha uyghun halda körürmenlirige afriqa heqqide bashqiche köz qarash sunidighan t r t afriqa qanilida, qite üchün muhim dunyawi hékayiler, tengpung uchurlar, mol we eng yéngi hékayiler tamashibinlar bilen yüz körüshidu.

bu qanal yene, diyasporadiki afriqa we afriqaliqlarning hékayilirini hembehirlep, ularning yadroluq qimmet qarishini özgiche yughurup, ularni dunyadiki weqelerning merkizige qoyidu.

qitediki oxshimighan 15 dölettin kelgen xadimliri bar t r t afriqa qanilining reqemlik nishani, afriqa körürmenliri üchün muhim hékayilerge orun ajritish, ijtimaiy taratqular arqiliq dunyadiki tereqqiyatlarni yéqindin közitidighan yashlargha yuqiri süpetlik mezmunlarni barliqqa keltürüsh we bu arqiliq qitediki ishenchlik xewer menbesige aylinish.

peyshenbe küni (30-mart) ötküzülgen t r t afriqa qanili bashliqlar yighinining échilish nutuqlirini jumhur reislik mehkimisi uchur-alaqe idarisining bashliqi fahrettin altun, t r t bash mudiri mehmet zahid sobaji we afriqa axbarat birleshmisining pishqedem bashliqi grégori ndzhaka sözlidi.

yighinning birinchi küni, yeni peyshenbe küni afriqa axbarat birleshmisining wekilliri «imkaniyetlik sijil kélechekke qarap: ammiwi tarqitish xizmitini qaytidin shekillendürüsh» témisi astida bir yerge jem boldi.

16 afriqa dölitidin kelgen 23 zhurnalistqa «wuxen wirusi yuqumi mezgilide taratquning özgirishi», «zhurnalistliqning özgirishige téxnologiyening qoshqan töhpisi», «gherb milletliri usuligha qarshi paydilinidighan qorallar» dégen témilarda ders ötüldi.

jüme küni chüshtin kéyin ötküzülidighan yighinlarda «ammiwi xizmet taratqu eynikide türkiye-afriqa munasiwetliri: ortaq qarash we kelgüsining qiyinchiliqliri», «tereqqiy qiliwatqan téxnologiyeler we yéngi taratqular dewride, ammiwi tarqitish xizmitining kelgüsi: afriqa we türkiye ammiwi taratqular reqemlik dewrde qandaq qilip eng yéngi halette turalaydu?» we «yer shari xewerlirining özgirish yüzlinishi: téximu adil dunya üchün ortaq nishan astida afriqa hékayilirini chüshinish» dégen témilar muzakire qilindi.

bashliqlar yighini «afriqa tesewwurini yéngi nishan bilen chüshendürüsh» témisidiki yighinlar bilen dawamlishidu.