dölet xewpsizlik kéngishi yighinidin kéyin xitabname élan qilindi

türkiye awazi radiyosi xewiri: türkiye jumhu reisi rejep tayyip erdoghanning riyasetchilikide jumhur reislik mehkimiside ötküzülgen dölet xewpsizlik kéngishi yighinidin kéyin, xitabname élan qilindi.

yighinda, 6-féwral (2023) yüz bergen yer tewresh apetliridin kéyin, otturigha chiqqan weziyet muhakime qilinip, rayondiki hayatni baldurraq normal haletke keltürüshning muhimliqi tekitlendi.

xitabnamede mundaq déyildi:

«yer tewresh apitining puqralarning tinchliqi we parawanliqi bilen döletning milliy küch amillirigha körsitidighan her xil passip tesirini yoqitishni meqset qilghan tedbirler muzakire qilindi.»

p k k|k j k-p y d|y p g, fethullahchi térrorluq teshkilati we daésh térrorluq teshkilatliri qatarliq milliy ittipaqliq hemde barawerlikke, milliy mewjutluqqa qarshi her xil tehdit, xeterlerge qarshi memliket ichi-sirtida qetiy irade shundaqla muweppeqiyetlik élip bérilghan herbiy heriketler heqqide kéngeshke melumat sunulghanliqi xitabnamede munular körsitildi:

«süriye we iraqta yüz bergen tereqqiyatlar, bolupmu yéqinqi mezgillerde térrorluq teshkilati daéshqa qarshi küresh bahanisi astida p k k|k j k-p y d|y p g ni tik ucharni öz ichige her xil wasite we iqtidarlar bilen dawamliq qorallandurghan aktiyorlarning heqiqiy muddiasini chüshinishte yene bir qétim türtkilik rol oynidi. herbiy heriketlirimiz bergen éghir zerbiler, térrorluq teshkilatidin qéchish we térrorluq sépige qatnishish sanining aziyishining tesiride,  weyran bolush basquchigha kirgen we ejili toshqan térrorluq teshkilatini qoghdaydighan aktiyorlargha, türkiye dölitining bölgünchi térrorluq teshkilati we uning barliq gumashtilirini her türlük qollash bolsimu pütünley yoqitish qetiy iradisige ige ikenliki, chégra boylap térrorluq karidori qurushqa yol qoymaydighanliqi xatirilitildi.»

rusiye bilen ukraina otturisida bir yildin köprek waqittin buyan dawamlishiwatqan urushning, rayondiki bashqa döletlerning muqimliqigha we qara déngizning bixeterlikige körsitidighan selbiy tesirliri muzakire qilinghanliqi eskertilgen xitabnamede, uzun muddetlik tinchliq ornitish, rayon muqimliqini qoghdash we insanperwerlik kirizisining tesirini tügitish üchün dawamliq tirishchanliq körsitilidighanliqi otturigha qoyuldi.

türkiyening balqan döletliri bilen yéqin hemkarliqlarni ornitip ijra qilghan tinchliq we muqimliqni qoghdash asasidiki siyasetler ramkisida, rayondiki mesililerge tesir körsiteleydighan tereqqiyatlarning yéqin közitiliwatqanliqi tekitlengen xitabnamede, ixtilaplarni heqqaniyetke uyghun hel qilishni asas qilghan ijabiy qedemlerni qollashning ispatlanghanliqi qeyt qilindi.

xitabnamede, girétsiye bilen bolghan munasiwette yéqinqi mezgillerde otturigha chiqqan ijabiy keypiyatning dawamlishishining, her ikki terepke we rayongha paydiliq bolidighanliqi bayan qilindi. ege déngizi we sherqiy aqdéngizning nöwettiki tereqqiyatining yéqindin közitilgenliki tekitlendi.

xitabnamede, 14-may yekshenbe küni ötküzülidighan jumhur reislik saylimi bilen 28-nöwetlik parlamént saylimining tinchliq we bixeterlik keypiyatida ötküzülüshi üchün yolgha qoyulidighan tedbirlerningmu közdin kechürülgenliki bildürüldi.