erdoghan: yer tewreshke uchrighan rayonlarda bir qisim kent öyliri pütüsh basquchida turuwatidu
jumhur reis rejep tayyip erdoghan yer tewreshke uchrighan rayonlarda 27 ming 949 turalghu qurulushining bashlanghanliqini, hetta bir qisim kent öylirining pütüsh basquchida ikenlikini bildürdi.
türkiye awazi radiyosi xewiri: jumhur reis erdoghan paytext enqerediki chankaya sariyida bir qisim xususiy téléwiziye qanallirining birleshme neq meydandin tarqitish programmisida muxbirlarning soallirigha jawab berdi.
erdoghan 6-féwral qahramanmarashni merkez qilghan yer tewresh apetlirining tesirige uchrighan rayonlarni qaytidin qurush basquchigha ötkenliklirini eskertip: «xelqimiz xatirjem bolsun, 20 yilda 1 milyon 180 ming bixeter öy we 3 milyon 300 ming sheher özgertish layihesini emelge ashurghan xadimlar, ishning béshida turuwatidu. biz yer tewreshke uchrighan rayonlarda yéngi öylerning ulini salduq we ul sélishni dawamlashturuwatimiz» dédi.
jumhur reis erdoghan yer tewresh apetlirining tesirige uchrighan adiyaman, qahramanmarash, ghaziantep, hatay we malatya qatarliq jaylarda jemiy 27 ming 949 turalghu qurulushining emeliy bashlanghanliqini bildürüp: «hetta bir qisim kent öyliri hazir tamamlinish basquchida turuwatidu, biz yaz pesligiche ularni tamamlaymiz. eger biz bir ishni <qilimiz> dések, uni choqum qilduq we qilimiz» dédi.
