shentop firansiyege naraziliq bildürdi

türkiye awazi radiyosi xewiri: büyük millet mejlisi bashliqi shentop ammiwi ortaqlishish tor bétidiki sehipiside élan qilghan bayanatida, türkiyening dölet bixeterlikige tehdit séliwatqan bölgünchi térrorluq teshkilati ezalirining firansiye palatasida kütüwélinishining tolimu xeterlik hemde heyran qalarliq ehwal ikenlikini bayan qildi.

parlamént bashliqi shentop firansiyening ilgirimu térrorluq teshkilati daésh qatarliq térrorluq teshkilatliri bilen ochuq - ashkara yaki mexpiy yosunda munasiwet ornatqanliqining pütkül dunya jamaetchilikige ayan ikenlikini tekitlep mundaq dédi: «parlamént bashliqi bolush süpitim bilen shuni bayan qilishim kérekki, bir döletning parlaméntining térrorluq teshkilati ezalirini kütüwélishi shu organning abroyini tökidu. bölgünchi térrorluq teshkilati p k k ning süriyediki gumashtiliri bilen ochuq - ashkara halda bir septe turidighanliqini pütkül dunyagha parlaménti arqiliq namayan qilghan firansiyedin qanungha, insanliqqa we zamaniwi ishenchilik dölet bolush pirinsiplirigha uyghun shekilde heriket qilishini kütmektimiz.»

adalet we tereqqiyat partiyesi muawin reisi, qoshumche partiye bayanatchisi ömer chelik ammiwi ortaqlishish tor bétidiki sehipiside élan qilghan bayanatida, bölgünchi térrorluq teshkilati p k k/y p g ezalirining firansiye palatasida kütüwélinishining firansiyege nisbeten nomus qilarliq ish ikenlikini eskertip mundaq dédi: «bumu türkiye-firansiye dostluqigha ziyan yetküzüsh nishan qilinghan ighwagerchilik herikitidur. bu shermendilikni qattiq eyibleymiz.»