erdoghan purset tapsila apet rayonigha bérip xizmetlerni yéqindin közitidighanliqini éytti

türkiye awazi radiyosi xewiri: jumhur reis erdoghan xataydiki kolléktip iptar ziyapitidiki sözide, 6-féwraldiki yer tewreshte éghir weyranchiliqqa uchrighan rayonlarda élip bériliwatqan xizmetler heqqide melumat bérip: «bundaq éghir apetni peqet özara hemkarlashqinimizda, dölet we xelq mürini mürige tiriginimizde, qelblerni birleshtürginimizdila yéngeleymiz. biz etiyaz we yaz ayliridin eng yaxshi shekilde paydilinip, sheherlirimizni qayta qurush  yolida körünerlik musapini bésip ötüshni xalaymiz» dédi.

jumhur reis erdoghan xatayni ul eslihesi we medeniyet bayliqliri bilen birlikte eslige keltürüsh üchün, waqitqa qarshi küresh qiliwatqanliqlirini bildürüp: «turmush normal haletke qaytip bolghuche sheherlik hökümetlirimiz paaliyetlirini dawamlashturidu, bizmu purset tapsaqla bu yerlerge kélip, azabliringlarni ortaqlishimiz, qiliniwatqan xizmetlerni yéqindin közitimiz» dédi.