enqere daniyediki quran kerim we türkiye bayriqigha qilinghan hujumni qattiq eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip: «biz tünügün daniyede muqeddes kitabimiz quran kerim we shanliq bayriqimizgha qilinghan rezil hujumni eng küchlük shekilde lenetleymiz. öchmenlik jinayitini shekillendüridighan bu rezil qilmishqa pikir erkinliki dégen nam astida ruxset qilinishini her qandaq shekilde qobul qilmaymiz» dégenlerni qeyt qildi.

ramizan éyida sadir qilinghan bu qilmishning yawropadiki islam düshmenliki, kemsitish we chet elliklerge öchmenlik qilishning künséri éghirliship kishini chöchütidighan derijige yetkenlikini shundaqla ötmüshtin sawaq élinmighanliqini yene bir qétim nahayiti éniq körsitip bergenliki tekitlengen bayanatta, türkiyening bu qilmshini eng küchlük shekilde eyibleydighanliqi we naraziliq bildüridighanliqining. daniye dairilirige melum qilinghanliqi bildürüldi.

bayanatta, daniye dairiliri mezkur öchmenlik jinayitini sadir qilghuchilargha qarita zörür tedbirlerni qollinishqa hemde ijtimaiy tinchliq we tinchliq ichide birlikte yashash medeniyitini zerbe nishani qilghan bu xil ighwagerchiliklerning aldini élish yolida konkért qedemlerni tashlashqa chaqirildi.