chawushoghlu: xelqara jemiyetning wediliri türkiyege nisbeten nahayiti zor ehmiyetke ige
chawushoghlu xelqara iane qilghuchilar yighinida bérilgen wedilerning türkiyening apet rayonlirini qayta qurush paaliyetlirige nahayiti zor töhpilerni qoshidighanliqini bildürdi.
türkiye awazi radiyosi xewiri: tashqi ishlar ministiri mewlüt chawushoghlu 6 – féwral küni qahramanmarashni merkez qilghan türkiyening 11 wilayitide yüz bergen yer tewresh apetliridin kéyin, xelqara iane qilghuchilar yighinida bérilgen wedilerning türkiyening apet rayonlirini qayta qurush paaliyetlirige nahayiti zor töhpilerni qoshidighanliqini bildürdi.
chawushoghlu bélgiyening paytexti biryussélda türkiye we süriyede yüz bergen yer tewresh apetliride talapetke uchrighanlar üchün chaqirilghan xelqara iane qilghuchilar yighinidin kéyin bayanat élan qildi.
tashqi ishlar ministiri mewlüt chawushoghlu bu qétimqi yighinning chaqirilishida bashlamchiliq roli oynighan yawropa ittipaqi komitéti we shiwétsiyege, hemde bu qétimqi yighinni qollighan barliq döletlerge minnetdarliq bildürüp mundaq dédi: «xelqara iane qilghuchilar yighinigha 65 dölet, 26 xelqaraliq teshkilat we pul-muamile apparatliri qatnashti.»
«yighinda hazirgha qeder bérilgen yardemlerning sirtida, dölitimiz üchün 6 milyard dollardin artuq yardem qilish toghruluq wede bérildi. türkiye izchil türde dunyaning her qaysi jaylirida qiyin ötkelge duch kelgen döletler we xelqlerge eng awal yardem qilghan döletlerning biri bolup keldi. biz hazir yawropa ittipaqi we xelqara jemiyetning oxshash hemkarliqi we sezgürlükini körüp nahayiti xushal bolduq.»
«yéngi olturaq rayonlirimizni téximu bixeter, téximu chidamliq, téximu keng dairilik, téximu yéshil we téximu ilghar shekilde qurup chiqimiz.»
ministir chawushoghlu aldilirida uzun we müshkül bir qiyin ötkelning barliqini, emma bu qiyin ötkeldin barliq imkaniyetlerni heriketke keltürüsh arqiliq qetiy irade bilen muweppeqiyetlik halda ötidighanliqlirini tekitlep mundaq dédi: «ölüp ketkenlerni tirildürgili, azab - oqubetlerning ornini toldurghili bolmaydu. lékin, weyran bolghanlirining ornigha téximu yaxshisini royapqa chiqirimiz. bügünki künde xelqara jemiyetning bizge bergen wediliri bizning apet rayonlirini qayta qurup chiqish paaliyetlirimizge nahayiti zor töhpilerni qoshidu.»
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
