تۈركىيە ياۋروپا پارلامېنتىغا قاتتىق نارازىلىق بىلدۈردى

تۈركىيە ئاۋازى رادىيوسى خەۋىرى: ئەنقەرە، ياۋروپا پارلامېنتىنىڭ «ياۋروپا ئىتتىپاقى - ئەرمېنىيە مۇناسىۋىتى» دوكلاتىدىكى 1915- يىلىدىكى ۋەقەلەرگە مۇناسىۋەتلىك ئەيىبلەشلەرنىڭ تارىخىي پاكىتلار ۋە خەلقئارا قانۇن قائىدىلىرىگە ماس كەلمەيدىغانلىقىنى، ئۇنىڭ تۈركىيەگە نىسبەتەن كۈچكە ئىگە ئەمەسلىكىنى بىلدۈردى.

تۈركىيە جۇمھۇرىيىتى تاشقى ئىشلار مىنىستىرلىقى باياناتچىسى تانجۇ بىلگىچ مەزكۇر دوكلاتقا مۇناسىۋەتلىك بىر سوئالغا قايتۇرغان يازما جاۋابىدا، «ياۋروپا پارلامېنتىنىڭ 2023 – يىلى 15 – مارتتىكى <ياۋروپا ئىتتىپاقى – ئەرمىنىيە مۇناسىۋەتلىرى> ماۋزۇلۇق دوكلاتىدا، دۆلىتىمىز ۋە 1915 – يىل ۋەقەلىرى توغرىسىدا ئاساسسىز ئەيىبلەشلەرگە ئورۇن بېرىشتە چىڭ تۇرۇۋاتقانلىقى كۆرۈلدى. تارىخىي پاكىتلار ۋە خەلقئارا قانۇننىڭ قائىدىسىگە ماس كەلمەيدىغان بۇ قاراشلار بىزگە نىسبەتەن ھېچقانداق كۈچكە ئىگە ئەمەس. بىز ياۋروپا پارلامېنتىنى بۇ خىل بىر تەرەپلىمە ۋە ئاساسسىز ئەيىبلەشلەرنى تەكرارلاشنى تاشلاپ، سىياسىي ئەخلاق ۋە خەلقئارا قانۇن بويىچە ھەرىكەت قىلىشقا تەكلىپ قىلىمىز » دېگەن ئىبارىلەرگە ئورۇن بەردى.