erdoghan rehberlik diplomatiyesini dawamlashturidu
dölitimiz (türkiye jumhuriyiti) jumhur reisi rejep tayyip erdoghan rehberlik diplomatiyesini bügünmu dawamlashturidu.
türkiye awazi radiyosi xewiri: jumhur reis erdoghan finlandiye pirézidénti ninistö bilen paytext enqerede bir yerge jem bolidu.
erdoghan aldi bilen finlandiye pirézidénti sauli ninistoni jumhur reislik mehkimiside resmiy murasim arqiliq qarshi alidu.
ikki rehber resmiy murasimdin kéyin ayrim körüshidu. bu uchrishishning asasliq küntertipini finlandiyening shimaliy atlantik ehdi teshkilatigha eza bolush mesilisi teshkil qilidu.
uchrishishta, jumhur reis erdoghan bilen finlandiye pirézidénti ninisto 2022-yili 6-ayda madridta imzalanghan üch terep kélishim layihesining hazirqi ehwali heqqide muzakire élip baridu.
uchrishishta yene, finlandiyening mezkur kélishim layihesi dairiside bergen wedilirige emel qilip -qilmighanliqi közdin kechürülidu.
ikki rehberning uchrishishida türkiye – finlandiye munasiwetliri toghriliqmu muzakire élip bérilidu.
buningdin bashqa yene, rayonluq we xelqaraliq özgirishler heqqide söhbet ötküzülidu.
jumhur reis erdoghan bilen finlandiye pirézidénti ninisto uchrishishlardin kéyin birleshme axbarat élan qilish yighini ötküzidu.
مۇناسىۋەتلىك خەۋەرلەر
türkiye-girétsiye ishench turghuzush yighini atinada échildi
türkiye-girétsiye ishench turghuzush tedbirliri yighini atina (afina)da ötküzüldi.
