ئەردوغان ئەنقەرەدە توقايېۋ بىلەن كۆرۈشتى

تۈركىيە ئاۋازى رادىيوسى خەۋىرى: قازاقىستان پىرېزىدېنتى قاسىم جۆمەرت توقايېۋ پايتەخت ئەنقەرەدىكى جۇمھۇر رەئىسلىك مەھكىمىسىدە جۇمھۇر رەئىس رەجەپ تاييىپ ئەردوغان تەرىپىدىن قارشى ئېلىندى؛ تارىختا قۇرۇلغان 16 تۈرك دۆلىتىگە ۋەكىللىك قىلىدىغان بايراقلار بىلەن ئەسكەرلەر ئورۇن ئالغان كۈتۈۋېلىش مۇراسىمى جەريانىدا، ئەردوغان بىلەن توقايېۋ تۈركىيە ۋە قازاقىستان بايراقلىرى ئالدىدا تۇرۇپ مۇخبىرلارنىڭ سۈرەتكە تارتىۋېلىشىغا پۇرسەت يارىتىپ بەردى؛ ئارقىدىن يېپىق ئۇچرىشىش ئۆتكۈزدى.

جۇمھۇر رەئىس ئەردوغان جۇمھۇر رەئىسلىك مەھكىمىسى بىناسىدا ئەزەربەيجان پىرېزىدېنتى ئىلھام ئەلىيېۋ، قىرغىزىستان پىرېزىدېنتى سادىر جاپپاروۋ ۋە ئۆزبېكىستان پىرېزىدېنتى شەۋكەت مىرزىيايېۋ قاتارلىقلار بىلەنمۇ ئايرىم – ئايرىم ئۇچرىشىش ئۆتكۈزگەنىدى.