türkiye yawropa parlaméntigha qattiq naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, ismi yawropa ittipaqining térrorluq teshkilatliri tizimlikidin orun éliwatqan, türkiyening pütünlikige buzghunchiliq qilishni nishan qiliwatqan bir térrorluq teshkilatining bu xil teshwiqat paaliyetlirining ötküzülüshige sharait hazirlap bérishni qobul qilishning mumkin emeslikini otturigha qoydi.

bayanatta: «bu ehwal yawropa parlaméntining térrorluqqa qarshi turushtiki ikki yüzlimichiliki we semimiyetsizlikini yene bir qétim ashkarilidi. dölitimizning isminimu tilgha élish arqiliq qanuniylashturulmaqchi bolghan bu paaliyetke yol qoyush, yawropa ittipaqining xelqarawi mejburiyetlirige zit» dégen ibarilerge orun bérildi.

türkiyening barliq térrorluq teshkilatlirigha qarshi kürishini qetiylik bilen dawamlashturidighanliqi tekitlengen bayanatta, yawropa ittipaqi organliri we uninggha eza döletlerning xelqaraning bixeterlikke tehdit élip kélidighan térrorluqqa qarshi turush küreshte türkiyeni qollishining ümid qilinidighanliqi qeyt qilindi.