istanbul ayrodurumi «dunyadiki eng yaxshi ayrodurum» boldi
istanbul ayrodurumi «dunyadiki eng yaxshi ayrodurumlar» qataridin orun aldi.
türkiye awazi radiyosi xewiri: xelqara ayrodurumlar kéngishi bilen sayahet téxnologiyesi shirkiti «Amadeus» teripidin élip bérilghan ray sinash netijiside, istanbul ayrodurumi «dunyadiki eng yaxshi ayrodurumlar» qataridin orun aldi.
igilinishiche, xelqara ayrodurumlar kéngishining ASQ pirogrammisi dairiside, 2022-yili dunya miqyasida 465 ming adem bilen élip bérilghan ray sinashta, ayrodurumlarni ishlitiwatqan yoluchilardin ayropilangha chiqish, yol bashlash qolayliqi, pakizliq, bir nerse sétiwélish we yémek-ichmek mulazimetliri toghrisida soal soralghan.
ray sinash netijiside, türkiyedin istanbul ayrodurumi yiligha 40 milyondin artuq yoluchini eng yaxshi shekilde kütüwalidighan eng yaxshi 10 ayrodurum qataridin orun alghan.
istanbul ayrodurumi dunyadiki eng köngüllük we eng pakiz ayrodurumlarning biri bolup tallanghan.
xelqara ayrodurumlar kéngishining mukapatliri 9-ayning 4-künidin 7-künigiche jenubiy koréyening inchon shehiride chaqirilidighan «xelqara ayrodurumlar kéngishining yer shariwi xéridarlar tejribisi» yighini dairiside ötküzülidighan murasimda tarqitilidiken.