مەۋلۇت چاۋۇشئوغلۇ ب د ت باش كاتىپى ئانتونىيو گۇتېررېس بىلەن كۆرۈشتى

تۈركىيە ئاۋازى رادىيوسى خەۋىرى: چاۋۇشئوغلۇ تىۋىتتېر ھېسابىدىكى يازمىسىدا، دوھادىكى تۇنجى ئۇچرىشىشىنى  ب د ت نىڭ باش كاتىپى گۇتېررېس بىلەن ئۆتكۈزگەنلىكىنى بىلدۈرۈپ، ب د ت نىڭ يەر تەۋرەشتىن كېيىنكى ياردەملىرىگە رەھمەت ئېيتتى.

مىنىستىر چاۋۇشئوغلۇ گۇتېررېس بىلەن جۇمھۇر رەئىس رەجەپ تاييىپ ئەردوغاننىڭ ئايالى ئەمىنە ئەردوغان باشلىغان <نۆل تاشلاندۇق تەشەببۇسى>، ئۇكرائىنا ۋەزىيىتى ۋە ئىستانبۇل ئاشلىق كېلىشىمى قاتارلىق تېمىلاردا مۇزاكىرىلەشكەنلىكىنى بىلدۈردى.