türkiye milliy istixbarat idarisi iraqta p k k ning atalmish kattibéshini ujuqturdi
türkiye milliy istixbarat idarisi iraqning shimalidiki sinjar rayonida élip barghan herikiti dawamida bölgünchi térrorluq teshkilati p k k/k j k ning atalmish sinjar herbiy ishlar kattibéshi eli bedelni bir terep qildi.
türkiye awazi radiyosi xewiri: dölet xewpsizlik menbelirining bildürüshiche, türkiye qisimlirining herbiy bazilirigha qilinghan hujumlargha qatnashqan we bölgünchi térrorluq teshkilati p k k ning iraqning sinjar rayonida türkiye istixbarat idarisigha qarshi qilinghan heriketlerning bashchisi ikenliki éniqlap chiqilghan «jéko pir» texellusluq térrorchi eli bedel közitish astigha élinghan.
türkiye milliy istixbarat idarisi alahide bir etretni eli bedelning sinjar rayonidiki paaliyetlirini közitishke ewetken. etret közitish dawamida bedelning yézidi xelqi bilen birlikte yashaydighanliqini éniqlap chiqqqan.
etret térrorchi sed eli bedelning türkiye qisimlirining musuldiki bashika herbiy bazisigha hujum qilishni pilanlawatqanliqidin xewer tapqandin kéyin, derhal heriketke ötüp, uni bir terep qilghan.
etret térrorchini ujuqturush jeryanida, u qalqan qiliwalghan xelqning ziyangha uchrimasliqi üchün nahayiti zor tirishchanliq körsetken.
igilinishiche, bölgünchi térrorluq teshkilati p k k/k j k – y b sh ning sinjar rayonluq atalmish herbiy ishlar kattibéshi süpitide térrorluq paaliyetlirini élip barghan térrorchi bedel, türkiye milliy istixbarat idarisigha qarshi qiliniwatqan hujumlar we türkiye qisimlirining bashika/gédo herbiy bazisigha qilinghan hujumlarning bash ijrachisi iken.
