erdoghan zéléniski bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan ukraina pirézidénti wolodimir zéléniski bilen téléfonda körüshti.
türkiye awazi radiyosi xewiri: türkiye jumhur reislik mehkimisi uchur - alaqe ishliri idarisining bildürüshiche, jumhur reis rejep tayyip erdoghan bilen ukraina pirézidénti wolodimir zéléniskining téléfon söhbitide, türkiyede yüz bergen yer tewresh apiti we birinchi yilini arqida qaldurghan rusiye – ukraina urushigha munasiwetlik özgirishler heqqide muzakire élip bérilghan.
jumhur reis erdoghan yer tewresh apiti munasiwiti bilen türkiyening yénida ikenlikini ipadiligen ukraina pirézidénti wolodimir zéléniskigha minnetdarliq bildürgen.
erdoghan, birinchi yilini arqida qaldurghan rusiye – ukraina urushi mesiliside urush toxtitish, mesilini söhbet arqiliq hel qilish we tinchliq ornitish yolida qolliridin kélishiche her türlük töhpilerni qoshqa teyyar ikenliklirini qeyt qilghan.
