چاۋۇشئوغلۇ ئىسلام ھەمكارلىق تەشكىلاتى باش كاتىپى ۋە نىگېرىيە پىرېزىدېنتى ۋەكىلى بىلەن كۆرۈشتى

تۈركىيە ئاۋازى رادىيوسى خەۋىرى: چاۋۇشئوغلۇ تۋىتتېردىكى رەسمىي ئادرېسىدا بايانات ئېلان قىلىپ: «يەر تەۋرەشكە قارشى بىز بىلەن ھەمكارلىشىدىغانلىقىنى ئىپادىلەش ئۈچۈن دۆلىتىمىزدە زىيارەتتە بولۇۋاتقان ئىسلام ھەمكارلىق تەشكىلاتى باش كاتىپى ھۈسەيىن ئىبراھىم تاھاغا مىننەتدارلىقىمىزنى بىلدۈردۇق» دېدى.

ئۇ بېللو بىلەن ئۆتكۈزگەن ئۇچرىشىشىغا مۇناسىۋەتلىك تىۋىتتېر ئۇچۇرىدا: «نىگېرىيە پىرېزىدېنتىنىڭ ئالاھىدە ۋەكىلى، فېدېراتىپ پايتەخت رايونى مىنىستىرى مۇھەممەد مۇسا بېللو يەر تەۋرەشتىن كېيىن تۈركىيەنى قوللاش ۋە ھەمكارلىقىنى ئىپادىلەش ئۈچۈن ئەنقەرەگە كەلگەنىدى. ئۇنىڭغا رەھمەت ئېيتتۇق» دېگەن ئىبارىلەرگە ئورۇن بەردى.