yer tewreshte qaza qilghanlar sani 40 ming 642 ge yetti

türkiye awazi radiyosi xewiri: türkiye apet we jiddiy ishlargha taqabil turush idarisi — afad bashliqi yunus sezer bayanat élan qilip, «30 ming 642 puqrayimiz qaza qildi. izdesh -  qutquzush xizmetliri ete kechte asasiy jehettin axirlashqan bolidu. hazir xizmetler xataygha merkezleshti؛ 13 minggha yéqin izdesh – qutquzush xadimimiz u yerde wezipe ötewatidu» dédi.

bu jeryanda sehiye ministiri fahrettin koja xataydiki apet we jiddiy ishlargha taqabil turush idarisi maslashturush merkizide, yer tewresh rayonidiki sehiye xizmetliri toghrisida melumat berdi؛ u, xataydiki yer tewreshte yarilinip balnistqa  élinghan bémarlar sanining 6108, bashqa wilayetler bilen birleshtürgende 21 ming 859 ikenlikini, 13 ming 612 kishining dawalinip doxturxanidin chiqqanliqini bildürdi.

yene bir tereptin, dölet mudapie ministiri xulusi aqar we uning hemrahliqidiki armiye bash ishtab bashliqi général – polkownik yashar güler, quruluq armiye qisimliri qomandani musa aysewer qatarliqlar bilen birlikte antakyadiki türkiye armiyesi alaqe ishxanisigha bérip, postta turush, charlash, izdesh – qutquzush paaliyetliri bilen ijtimaiy xizmetlerge hemdem bolush ehwalliri toghrisida melumat igilidi.