харабиликләр астидин хуш хәвәрләр келишкә башлиди

түркийә авази радийоси хәвири:  йәр тәвәршкә саәтләр болған болсиму, харабиликләр астидин кишигә үмид беғишлиғучи хәвәрләр кәлмәктә. һатайда харабилик астида қалған икки айал аридин 48 саәт өткәндә қутқузувелинди.

издәш-қутқузуш хадимлири вә әскәрләрниң тиришиши нәтиҗисидә, 52 йашлиқ мона газәл вә 74 йашлиқ нәҗлә мәләк харабилик астидин қутқузувелинди.

издәш-қутқузуш хадимлири һатайниң искәндәрун наһийәси мустафа камал мәһәллисидики өрүлүп чүшкән бир бинаниң харабилики астидин йардәм тәләп қилған авазни аңлиди. хадимлар қутқузушни тәләп қилған авазни аңлиғандин кейин, издәш хизмитини техиму күчәйтип, харабиләрни инчикилик билән чиқирип ташлап, 33 йашлиқ сүрийәлик имәд сабха вә униң икки йашлиқ қизи вафә сабхани қутқузди.

һатайниң мәркизигә җайлашқан уғур мумҗу кочисида өрүлүп чүшкән бир бинаниң харабилики астидин аридин 45 саәт өткәндә йәнә бир җан тирик һалда қутқузувелинди.

издәш-қутқузуш хадимлири адийаманда бир бина харабилики астидин аридин 36 саәт өткәндә исми намәлум бир бовақни қутқузувалди. бовақ дохтурханиға әвәтилди.

шанлиурфаниң йәнишәһир мәһәллисидә бәш қәвәтлик бинаниң харабиликидин аридин 47 саәт өткәндә алтә йашлиқ әһмәт айаз абақ қутқузувелинди.