yer tewreshte qaza qilghanlar sani 3381 ge yetti

türkiye awazi radiyosi xewiri: türkiye jumhuriyiti tebiiy apet we jiddiy ishlargha taqabil turush idarisi bashliqi yunus sezer, qahramanmarash wilayitini merkez qilghan yer tewreshlerde 3381 kishining qaza qilghanliqini, 20 ming 426 kishining yarilanghanliqini bildürdi.

tebiiy apet we jiddiy ishlargha taqabil turush idarisi bashliqi bayanat élan qilip, aldinqi küni türkiye waqti saet 04 tin 17 minut ötkende qahramanmarashning pazarjik nahiyeside yüz bergen tewresh chongluqining ilgiri élan qilinghinidek  7.4 bal emes, 7.7 bal ikenlikini bildürdi.

10 din artuq sheherde hés qilinghan yer tewreshtin kéyin, xelqara yardemni qobul qilishni öz ichige alghan 4-derijilik agahlandurush haliti élan qilinghanidi.

örülüp chüshken binalar jaylashqan jaylardiki izdesh we qutquzush xizmetliri dawamlashmaqta.

qahramanmarashning elbistan nahiyeside tünügün türkiye waqti saet 13 din 24 minut ötkende yéngidin 7.6 bal yer tewrigenidi.