türkiyening nopusi 85 milyon 279 ming 553 ke yetti

türkiyening nopusi 2022 - yili ilgiriki yilgha (2021) sélishturghanda 599 ming 280 kishi köpiyip, 85 milyon 279 ming 553 ke yetti.

1942365
türkiyening nopusi 85 milyon 279 ming 553 ke yetti

türkiye awazi radiyosi xewiri: türkiye istatistika idarisi (TÜİK) «adrésni asas qilghan nopus tizimlash sistémisining 2022 - yilliq netijisi» ni élan qildi.

buninggha asaslanghanda, 2020 - yili 84 milyon 680 ming 273 bolghan dölet omumiy nopusi, bultur (2022 - yili) 599 ming 280 kishi köpiyip, 85 milyon 279 ming 553 ke yetken.

erlerning  nopus nisbiti %50.1 ke (42 milyon 704 ming 112 kishi) we ayallarning nopus nisbiti %49.9 ke (42 milyon 575 ming 441 kishi) yetken.

türkiyede turushluq chet elliklerning sani ilgiriki yilgha sélishturghanda 31 ming 800 kishi köpiyip, 1 milyon 823 ming 836 ge yetken. chet elliklerning %49.5 i erlerdin, %50.5 i ayallardin teshkil tapqan.

kursta oqush, sayahet, ilmiy tetqiqat we mushuninggha oxshash sewebler bilen üch aygha toshmighan wiza yaki iqamet bilen turuwatqan chet ellikler hemde waqitliq qoghdash salahiyitige ige bolghan süriyelikler bu qétimqi nopus istatstikisigha kirgüzülmigen.


خەتكۈچ: #istatistika , #nopus , #türkiye

مۇناسىۋەتلىك خەۋەرلەر