«türkiyede térrorluq tehditi bar dégen tonushni yaritish dostluqqa yarashmaydu»
dölitimiz (türkiye jumhuriyiti) tashqi ishlar ministiri mewlüt chawushoghlu türkiyede térrorluq tehditi bar dégen tonushni yaritishning dostluqqa yarashmaydighanliqini éytti.
türkiye awazi radiyosi xewiri: diplomatiye ministiri mewlüt chawushoghlu istanbulda, argéntina tashqi ishlar, xelqara soda we din ishliri ministiri santiyago kafiéro bilen ötküzgen birleshme muxbirlarni kütüwélish yighinida, bir qisim döletlerning türkiyede turushluq wakaletxanilirining tepsiliy bayanat élan qilmay waqitliq taqiwétilishining «meqsetlik» ikenlikini otturigha qoydi.
ministir chawushoghlu bezi döletlerning konsulxanilirining térrorluq tehditini bahane qilip waqitliq taqiwétilishini tenqid qilip mundaq dédi: «biz ichki ishlar ministirliqidin sorsaq, bu heqte konkrét melumat yoq. biz bu konsulxanilar qesten taqiwétilgen dep qaraymiz. biz tünügün tashqi ishlar ministirliqimizgha chaqirtqan bash elchilergimu shundaq déduq. ularning bu konsulxanilarni taqaydighanliqlirini bizge xewer qilmasliqi meqsetliktur. eger ular bu arqiliq <türkiyening weziyiti muqim emes, türkiyede térrorluq tehditi bar> dégen tonushni yaratmaqchi bolsa, bu dostluqqimu, ittipaqdashliqqimu yarashmaydu.»
مۇناسىۋەتلىك خەۋەرلەر
erdoghan putin bilen téléfonlashti
jumhur reis rejep tayyip erdoghan rusiye pirézidénti wiladimir putin bilen téléfonlashti.
enqere daniyediki quran kerim we türkiye bayriqigha qilinghan hujumni qattiq eyiblidi
türkiye tünügün daniyede quran kerim we türkiye bayriqigha qilinghan hujumni eng küchlük eyiblidi.
