«2023 – yilliq qishliq herbiy manéwir» ning alahide közetküchiler küni paaliyetliri bashlandi

türkiye jumhuriyiti tarixidiki eng keng kölemlik «2023 – yilliq qishliq herbiy manéwir» ning alahide közetküchiler küni paaliyetliri qarsta bashlandi.

1941220
«2023 – yilliq qishliq herbiy manéwir» ning alahide közetküchiler küni paaliyetliri bashlandi

türkiye awazi radiyosi xewiri: dölet mudapie ministiri xulusi aqar hemrahliqidiki ezerbeyjan dölet mudapie ministiri général zakir hesenow, giruziye dölet mudapie ministiri juanshér burjuladzé we türkiye armiyesining yuqiri derijilik qomandanliri bilen birlikte, «2023 – yilliq qishliq herbiy manéwir» ning alahide közetküchiler küni paaliyetlirige qatnishish üchün, shéhit birinchi sérzhant ilham hamli herbiy manéwir sahesige yétip bardi.

aqar we uning hemrahliqiki heyet bu yerde, 17 dölet ishtirak qilghan herbiy manéwirheqqide uchur igilidi.

ministir aqar rayon we dunyaning tinchliqi hem muqimliqigha töhpe qoshush üchün hemkarliq ornitish we ortaq tirishchanliq körsitishning muhimliqini tekitlidi.

aqarning méhman dölet mudapie ministirliri we türkiye armiyesining yuqiri derijilik qomandanliri bilen birlikte öz orunlirida olturushidin kéyin, «2023 – yilliq qishliq herbiy manéwir» ning alahide közetküchiler küni paaliyetlirining oq étish qisimliri bashlandi.


خەتكۈچ: #herbiy manéwir , #qars , #aqar , #qishliq

مۇناسىۋەتلىك خەۋەرلەر