aqar: iraqta térrorchilarning hujumlirigha tégishlik jawab qayturuwatimiz

 türkiye awazi radiyosi xewiri: dölet mudapie ministiri xulusi aqar türkiye armiyesining iraqning shimalidiki herbiy bazisining hujumgha uchrishi heqqide bergen bayanatida, «pat - pat bundaq tajawuzchiliq heriketliri, hujumlar yüz bérip turidu. türkiye armiyesimu bu hujumlarni élip barghan térrorchilargha del waqtida tégishlik jawab qayturuwatidu» dédi.

ministir aqar türkiye büyük millet mejliside,adalet we tereqqiyat partiyesining guruppa yighini harpisida, axbarat wasitilirining türkiye armiyesining iraqning shimalidiki herbiy bazisigha qilinghan rakétamiyot hujumigha munasiwetlik soallirigha jawab berdi.

u türkiye armiyesining térrorizmgha qarshi  kürishining keskin dawamlishiwatqanliqini tekitlep mundaq dédi: «bu küresh taki eng axirqi térrorchi yoqitilghangha qeder üzlüksiz dawamlishidu. süriyening shimalida, iraqning shimalida, künséri ewj éliwatqan zorawanliqqa qarshi küreshni keskin dawamlashturuwatimiz. derweqe, térrorizmni we térrorchilarni öz uwisida téz sürette yoqitish üchün paaliyetlirimizni dawamlashturuwatimiz. qehriman qisimlirimiz, qattiq soghuq we qattiq qargha qarimay, qetiy iradisi we tirishchanliqi bilen qehrimanlarche kürishini izchil dawamlashturmaqta. pat - pat bundaq tajawuzchiliq heriketliri, hujumlar yüz bérip turidu. qehriman qisimlirimizmu bu hujumlarni élip barghan térrorchilargha del waqtida tégishlik jawab qayturuwatidu. hemme shuni bilishi kérekki, bu küresh taki eng axirqi térrorchi yoqitilghangha qeder üzlüksiz dawamlishidu.»