mustapa shentop yehudiy ibadetxanisigha qilinghan hujumni eyiblidi
türkiye büyük millet mejlisi (parlaménti) reisi mustapa shentop sherqiy quddusta yehudiy ibadetxanisigha qilinghan hujumni eyiblidi we hayatidin ayrilghanlarning aile-tawabiatlirigha teziye bildürdi.
1939096
türkiye awazi radiyosi xewiri: mustapa shentop hujum heqqide ijtimaiy alaqe hésabatida hembehirligen uchurida, «quddustiki ibadetxanigha qilinghan hujumni eyibleymen. hayatidin ayrilghanlarning aile-tawabiatlirigha teziye bildürimen. ibadetxanigha we ibadetxanidiki kishilerge qilinghan hujum hergiz yoluq bolalmaydu. bigunah puqralarning jénigha zamin bolghan bu dehshetlik zorawanliqning küchiyishi rayonning bixeterlikige tehdittur» dédi.
ishghaliyet astidiki sherqiy quddusta yehudiylar olturaq rayonidiki ibadetxanigha yéqin jayda jüme küni kechte yüz bergen qoralliq hujumda 7 kishi qaza qilip, 3 kishi yarilanghan idi.
