chawushoghlu: quran kerimge hujum qilinishini pikir erkinliki déyishke bolmaydu
tashqi ishlar ministiri mewlüt chawushoghlu muqeddes kitabimiz quran kerimge hujum qilinishini pikir erkinliki déyishke bolmaydighanliqini we «qosh ölchem» dep atashningmu yéterlik emeslikini éytti.
türkiye awazi radiyosi xewiri: chawushoghlu, türkiye yashlan fondi jemiyitining «yash diplomatlar akadémiyesi» layihesi dairiside istanbulda ötküzülgen «igilik tiklesh we insanperwerlik chiqish nuqta qilinghan diplomatiye siyasiti» yighinida qilghan sözide mundaq dédi: « shiwétsiyede, gollandiyede, daniyede, gherbte yüz bériwatqan ishlarni körüwatisiler. bu qebih qilmishlargha pikir erkinliki dep qarash sarangliqtur. bashqa dinlargha hujum qilish jinayet hésablanmaydu, emma bizning qutluq dinimiz islamgha we muqeddes kitabimiz quran kerimge hujum qilish pikir erkinliki hésablinidu. bu hem exlaqsizliqtur, hem semimiyetsizliktur. buni <qosh ölchem> dep atashmu yéterlik emestur.»
u, ezerbeyjanning téhran elchixanisigha qilinghan qoralliq hujum heqqide toxtilip mundaq dédi: «herdaim tekitlep kéliwatqinimizdek, qérindash dölet ezerbeyjan héchqachan yalghuz emestur.»
chawushoghlu, yéqindin buyan ezerbeyjan wakaletxanilirining térrorluq hujumlirigha uchrawatqanliqini eskertip mundaq dédi: «parizhda ikki qétim hujum yüz berdi. oxshashla, liwandimu hujum yüz berdi. bu hujumlar ashu jaylardiki radikal ermenler teripidin élip bérildi. londondiki bir radikal guruppimu ezerbeyjan elchixanisigha hujum qildi. yéqinda, ezerbeyjanning irandiki elchixanisi térrorluq hujumigha uchridi.»
u, mezkur hujumlarning éniqlap chiqilishi we bolupmu iran bilen ezerbeyjan otturisida semimiy hemkarliq ornitilishi kéreklikini eskertip mundaq dédi: «qoshnimiz irandin kütidighinimiz, bu térrorluq hujumining perde arqisida kimning barliqini, bu kishining néme üchün shundaq qilghanliqini éniqlap chiqishidur we bu mesililerning hemmiside ezerbeyjan bilen melumat almashturushidur. biz buninggha nahayiti zor ehmiyet bérimiz. yene bir tereptin, bu térrorluq hujumini élip barghan kishi, perde arqisidiki kishiler we guruppilar choqum sotqa tartilishi kérek.»
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.