daniye bash elchisi türkiye tashqi ishlar ministirliqigha chaqirtildi

türkiye awazi radiyosi xewiri: türkiye, daniyening quran kerimge haqaret qilishni öz ichige alghan bir paaliyetning ötküzülüshi ruxset qilishigha naraziliq bildürüp,  daniyening enqerede turushluq bash elchisi danniy annanni tashqi ishlar ministirliqigha chaqirtti.

türkiye jumhuriyiti tashqi ishlar ministirliqi bayanat élan qilip, bügün daniyede quran kerimge hujum qilishni öz ichige alghan bir paaliyetke ruxset qilinghanliqidin xewer tapqandin kéyin, daniyening enqerede turushluq bash elchisining ministirlikke chaqirtilghanliqi bildürdi.

bayanatta: «bash elchige ochuq – ashkara öchmenlik jinayiti mahiyitidiki bu ighwagerchilik herikitige ruxset qilinishini eng küchlük shekilde eyibleydighanliqimiz we daniyening bu pozitsiyeni qobul qilishning mumkin emesliki yetküzüldi. bu heriketke yol qoymasliqini ümid qilidighanliqimiz tekitlendi» dégen ibarilerge orun bérildi.