adalet we tereqqiyat partiyesi gherb médiyasigha naraziliq bildürdi

türkiye awazi radiyosi xewiri: adalet we tereqqiyat partiyesi bayanatchisi ömer chelik yéqinqi künlerdin buyan jumhur reis rejep tayyip erdoghanni hujum nishani qilghan témilargha orun bergen gherb taratqulirigha naraziliq bildürüp: «ularning qiliwatqanliri metbuat – tarqitish paaliyiti emes, iptidaiy shekildiki tetur teshwiqattur» dédi.

adalet we tereqqiyat partiyesi bayanatchisi ömer chelik özining ijtimaiy alaqe supisidiki adrésida bayanat bérip, bir qisim gherb taratqulirining erdoghanni sistémiliq halda hujum nishigha aylandurghanliqini otturigha qoydi.

«yolyoruq qobul qilmaydighan bir türkiye, bu küchlerge nisbeten bir qabahetlik chüsh. ular özlirining rezil we ehmiyetsiz usulliri arqiliq türkiyening siyasiy musapisige tesir körsiteleymiz, dep oylaydu» dégen chelik sözini dawamlashturup, jumhur reis erdoghanning tinchliqni asas qilghan tashqi siyasiti bu küchlerni éghir derijide biaram qilishni dawamlashturidighanliqini tekitlidi.

tetür teshwiqatlarning jumhur reis erdoghangha ziyan yetküzelmeydighanliqigha isharet qilghan chelik: «bizning siyasiy herikitimizge xelqimizdin bashqa héchkim yönilish belgilep bérelmeydu» dégenlerni qeyt qildi.