türkiyening xeyr-saxawet paraxoti karachigha yétip bardi

türkiye awazi radiyosi xewiri: yémeklik, ediyal, qishliq kiyim-kéchek we taziliq lazimetliklirini  öz ichige alghan 900 tonna etrapidiki yardem buyumliri bésilghan paraxot karachi portigha lengger tashlidi.

763 tonna insanperwerlik yardimi bésilghan ikkinchi xeyr-saxawet paraxotining 4-féwral karachigha yétip bérishi mölcherlenmekte.

ötken yili pesl yamghurliri keltürüp chiqarghan kelkün apitining deslepki peytliridin buyan türkiye pakistangha 15 ayropilan, 13 xeyr – saxawet poyizi we bir xeyr – saxawet paraxoti bilen yardem buyumliri yollidi.

pakistandiki kelkün apitide texminen 1740 adem hayatidin ayrildi, 12 mingdin artuq adem yarilandi.

pakistan miqyasida 33 milyondin artuq kishige tesir körsetken kelkünning keltürüp chiqarghan iqtisadiy ziyinining 30 milyard dollardin ashidighanliqi otturigha qoyulmaqta.