تۈركىيەنىڭ خەير-ساخاۋەت پاراخوتى كاراچىغا يېتىپ باردى

تۈركىيە ئاۋازى رادىيوسى خەۋىرى: يېمەكلىك، ئەدىيال، قىشلىق كىيىم-كېچەك ۋە تازىلىق لازىمەتلىكلىرىنى  ئۆز ئىچىگە ئالغان 900 توننا ئەتراپىدىكى ياردەم بۇيۇملىرى بېسىلغان پاراخوت كاراچى پورتىغا لەڭگەر تاشلىدى.

763 توننا ئىنسانپەرۋەرلىك ياردىمى بېسىلغان ئىككىنچى خەير-ساخاۋەت پاراخوتىنىڭ 4-فېۋرال كاراچىغا يېتىپ بېرىشى مۆلچەرلەنمەكتە.

ئۆتكەن يىلى پەسل يامغۇرلىرى كەلتۈرۈپ چىقارغان كەلكۈن ئاپىتىنىڭ دەسلەپكى پەيتلىرىدىن بۇيان تۈركىيە پاكىستانغا 15 ئايروپىلان، 13 خەير – ساخاۋەت پويىزى ۋە بىر خەير – ساخاۋەت پاراخوتى بىلەن ياردەم بۇيۇملىرى يوللىدى.

پاكىستاندىكى كەلكۈن ئاپىتىدە تەخمىنەن 1740 ئادەم ھاياتىدىن ئايرىلدى، 12 مىڭدىن ئارتۇق ئادەم يارىلاندى.

پاكىستان مىقياسىدا 33 مىليوندىن ئارتۇق كىشىگە تەسىر كۆرسەتكەن كەلكۈننىڭ كەلتۈرۈپ چىقارغان ئىقتىسادىي زىيىنىنىڭ 30 مىليارد دوللاردىن ئاشىدىغانلىقى ئوتتۇرىغا قويۇلماقتا.