türkiye térrorizmgha qarshi kürishini dölet ichi - sirtida qetiylik bilen dawamlashturmaqta

türkiye awazi radiyosi xewiri: elbab mehelliy bixeterlik küchliri ghaziantep wilayetlik zhandarma qomandanliqining süriyede wezipe ötesh qisimlirining yardimi bilen nahiyediki daéshchilargha zerbe bérish herikiti élip bérip, teshkilatning atalmish yuqiri derijilik rehberliridin birini öz ichige 16 kishini qolgha chüshürdi؛ ulardin 15 kishi tutqun qilindi.

zerbe bérish herikiti jeryanida töt miltiq, 85 pay oq we köp miqdarda reqemlik matériyal qolgha chüshürüldi.

yene bir tereptin, türkiye jumhuriyiti ichki ishlar ministirliqi wanda «25 – qétimliq eren muhasire küz – qish zerbe bérish herikiti» ning bashlanghanliqini uqturdi.

ministirliqning bu heqtiki bayanatida, bölgünchi térrorluq teshkilati — p k k ni döletning küntertipidin chiqirip tashlash we rayongha yoshurunuwalghanliqi texmin qiliniwatqan térrorchilarni bir terep qilish meqsitide wanda bashlanghan zerbe bérish herikitige 480 xewpsizlik xadimining ishtirak qiliwatqanliqini eskertti.

 bayanatta, dölet ichidiki térrorchilarni pütünley yoqitip tashlashni nishan qilghan «eren muhasire küz – qish zerbe bérish heriketliri» ning xelqning qollishi astida qetiylik bilen ghelibilik dawamlishiwatqanliqi tekitlendi.