gollandiyening enqerede turushluq bash elchisi tashqi ishlar ministirliqigha chaqirtildi

türkiye awazi radiyosi xewiri: türkiye jumhuriyiti tashqi ishlar ministirliqining gollandiyede bir kishining quran kerimge haqaret qilish qilmishi toghrisidiki bayanatida mundaq déyildi: «gollandiyening lahey shehiride islam düshmini bir kishining 22-yanwarmuqeddes kitabimiz <quran kerim>ge qilghan qebih hujumini eng qattiq shekilde eyibleymiz.

shiwétsiyedin kéyin, bu qétim gollandiyede yüz bergen muqeddes qimmet qarishimizni haqaretleshtin ibaret bu qebih qilmish, islam düshmenliki, kemsitish we chet elliklerge öchmenlik qilishning yawropada chek - chégrasining yoqluqining éniq jakarlinishidur.

bu qilmishlar musulmanlarningla emes, pütkül insaniyetning asasiy hoquqi we erkinliki, exlaqiy qimmet qarishi we ijtimaiy keng qorsaqliqini biwasite zerbe nishani qilmaqta hemde topliship tinch yashash medeniyitige ziyan yetküzmekte.

gollandiyening enqerede turushluq bash elchisini ministirliqimizgha chaqirip, bu rezil, peskesh qilmishni qattiq eyibleydighanliqimiz, naraziliq bildüridighanliqimiz küchlük ipadilendi, gollandiyedin bu xil qutratquluqlargha yol qoymasliqi telep qilindi.

biz gollandiye dairilirining weqening jawabkarigha qarita zörür tedbir qollinip, konkrét qedemlerni tashlap, bu xil weqelerning qayta yüz bérishining aldini élishni ümid qilimiz.»