بايراقتار قىزىلئەلما ئىككىنچى قېتىملىق سىناقتىنمۇ مۇۋەپپەقىيەتلىك ئۆتتى

تۈركىيە ئاۋازى رادىيوسى خەۋىرى: بايقار شىركىتى بايانات ئېلان قىلىپ، شىركەتنىڭ پۈتۈنلەي ئۆز دەسمايىسى بىلەن ئۆز كۈچىگە تايىنىپ ياساپ چىققان تۈركىيەنىڭ تۇنجى ئۇچقۇچىسىز كۈرەشچى ئايروپىلانى — بايراقتار قىزىلئەلمانىڭ، ئىككىنچى قېتىملىق ئۇچۇشىدا سىستېما پەرقلەندۈرۈش سىنىقىدىن مۇۋەپپەقىيەتلىك ئۆتكەنلىكىنى ئۇقتۇردى.

بايقار شىركىتى دىرېكتورى ۋە تېخنىكا ئىشلىرى رەھبىرى سەلچۇق بايراقتارمۇ ئۆزىنىڭ ئىجتىمائىي تاراتقۇدىكى ئادرېسىدا ئۇچۇر ھەمبەھرىلەپ: «بايراقدار قىزىلئەلمامىز ئىككىنچى قېتىملىق ئۇچۇش سىنىقىنىمۇ مۇۋەپپەقىيەتلىك تاماملىدى. ئۇپۇقلىرى ئوچۇق بولسۇن!» دېدى.