ünal üstel: türkiyening toluq qollishi bizge ishench berdi

türkiye awazi radiyosi xewiri: shimaliy qibris türk jumhuriyiti bash ministiri ünal üstel türkiye muawin jumhur reisi fuat oktay bilen birlikte jumhur reislik sariyida ayrim we heyetler ara ötküzülgen uchrishishlardin kéyin, ortaq axbarat qilish yighinida söz qildi.

u türkiyening her sahede shimaliy qibris türk jumhuriyitini qollawatqanliqini yene bir qétim körgenliklirini bildürüp: «biz qibris mesiliside otturigha qoyghan ikki döletlik hel qilish charisini, ana weten türkiyening izchil halda toluq we kemkütsiz qollighanliqini körüsh, bizge ishench bermekte. qibris türk xelqi türkiye bergen bu chong küch arqiliq dunyada <menmu bar> déyishni dawamlashturidu» dédi.

u jumhur reis rejep tayyip erdoghanning séntebirde (2022) b d t omumiy kéngishide söz qilghanda, shimaliy qibris türk jumhuriyitining étirap qilinishi üchün qilghan chaqirqining «tarixiy qedem» ikenlikini tekitlidi. u mundaq dédi:

«ehwal mushundaq iken, bizning wezipimiz shimaliy qibris türk jumhuriyitini dunyada étirap qilinidighan bir dölet qilip teyyarlash. hökümet bolush süpitimiz bilen, buning üchün qilishqa tégishlik ishni qilimiz» dédi.