hakan fidan liwiyede muhim uchrishishlarda boldi

türkiye awazi radiyosi xewiri: liwiye bash ministirliqining resmiy feysbuk bétide élan qilinghan bayanatida, «bash ministir abdulhemid dibeybe türkiye istixbarat idarisi bashliqi hakan fidanni bash ministirliqta kütüwaldi. uchrishishta rayonluq we xelqaraliq ortaq mesililer muzakire qilindi» déyildi.

uchrishishqa, liwiye tashqi ishlar ministiri nejla el menggush, dölet ishliri ministiri adil juma shundaqla alaqe we siyasiy ishlar ministiri welid el lafiningmu qatnashqanliqi bildürüldi.

türkiye istixbarat idarisi bashliqi hakan fidan tiripolida yene liwiye pirézidéntliq kéngishi reisi muhemmed el menfi bilenmu körüshti.

liwiye pirézidéntliq kéngishi axbarat ishxanisi teripidin élan qilinghan yazma bayanatta, liwiye istixbarat idarisi bashliqi hüseyin eleb we türkiyening tiripolida turushluq bash elchisi kenan yilmazningmu uchrishishshqa qatnashqanliqi bildürüldi, emma uchrishishning mezmunigha dair tepsilatlar heqqide melumat bérilmidi.

amérika merkizi axbarat idarisining(CIA)  diréktori wilyam burns 13 - yanwarda (2023) liwiyening paytexti tiripolida ziyarette bolghan we bash ministir dibeybe bilen körüshken idi.