әрдоған йәрлик башқурулидиған бомба синиақлири үстидә тохталди

түркийә авази радийоси хәвири: җумһур рәис әрдоған муғланиң фәтһийә наһийәсидә пуқраларға хитаб қилип, дунйаниң кризистин кризисқа сориливатқанлиқини, йуқум вә урушларниң үстигә тохтавсиз тәвринишләрниң йәршари характерлик сийасий вә иқтисадий түзүмниң улиға дәз кәткүзүватқанлиқини әскәртти.

әрдоған «түркийә болуш сүпитимиз билән  бу чөчүткүч (қорқунчлуқ әһвал, хәтәр) дәвридә биз пәқәт мустәһкәм тик туруш биләнла купайә қилмастин, техиму чоң нишанға қарап илгириләватимиз» деди  вә һакимийәткә бешиға кәлгәндә  йәрлик мудапиә санаити нисбитиниң %20 икәнликини, әмдиликтә болса бу нисбәтниң %80 кә өрлигәнликини ейтти.

түркийәниң әмдиликтә өзиниң учқучисиз айропиланлири вә қораллиқ учқучисиз айропилан акинчини өзи ишләпчиқарғанлиқини әскәртип, учқучисиз уруш айропилани <қизил әлма> ниму ишләпчиқарғанлиқини тәкитлиди.  

әдоған йәнә мундақ деди:

«<қизил әлма> түркүмләп ишләпчиқиришни башлиғандин кейин, F-16 елип маңидиған бомбиларни елип учалайду. буниңға қарита гретсийәликләр һазир немә дейишиватиду? <бу қарам түркләр немә қиливатиду?> (дейишиватиду) . һазир измирда синақлар елип берилди вә у йәрдин қойуп берилидиған башқурулидиған бомба буларни қорқутушқа башлиди. мән: <әй гретсийә! сән бәғәрәзлик қилмайдиғанла болсаң, бизниң сән билән ишимиз йоқ, йетәрки, йуваш тур>  дедим. һазир башқурулидиған бомбимизниң мусаписи 565 километир, бу йәтмәс, әмди буни 1000 километирға чиқиримиз»