chawushoghlu mensepdishi bin zeyid bilen afghanistan we mesjidi eqsa meslisini muzakirileshti
tashqi ishlar ministiri mewlut chawushoghlu ereb birleshme xelipiliki tashqi ishlar ministiri abdulla bin zeyid el nehyan bilen afghanistanning eng yéngi weziyiti we mesjidi eqsagha qilinghan bésip kirish hujumi toghrisida téléfonda söhbetleshti.
türkiye awazi radiyosi xewiri: dölitimiz tashqi ishlar ministirliqining bayanatigha asaslanghanda, mewlut chawushoghlu bilen bin zeyid afghanistanda talibanning ayallarni maariptin behrimen bolushtin cheklesh, döletlik we xelqaraliq ammiwiy teshkilatlardin shundaqla insanperwerlik teshkilatliridin chetke qéqish qilmishlirigha bolghan ortaq endishilerni muzakire qilghan.
chawushoghlu türkiyening bu qararning emeldin qaldurulishini ümit qilidighanliqini qayta tekitlep, mensepdishigha bu heqte islam hemkarliq teshkilati qatarliq organlar bilen mas qedemde tirishishning muhimliqini tekitligen.
bin zeyid bolsa, talibanning mezkur qararining shundaqla ilgiriki qizlarni ottura mektep maaripidin cheklesh qararining eng eqelliy kishilik hoquqqa xilap ikenlikini bildürgen.
söhbette ministirlar yene, israiliye ministirining tünügünki mesjidi eqsagha bésip kirish qilmishini eyibleydighanliqlirini bildürgen.
ikki ministir quddustiki diniy jaylarning qanuniy salahiyiti we muqeddeslikini qoghdashning sundaqla buninggha oxshash qobul qilghili bolmaydighan qilmishlargha qarshi maslishishni kücheytishning muhimliqini tekitlep, mesjidi aqsaning toluq qoghdilishi we u yerde yüz bériwatqan éghir ighwagerchilik qilmishlirining toxtitilishi kéreklikini bildürgen.
ministirlar söhbette yene, israiliye dairilirini rayondiki muqimsizliqni azaytish mesuliyitini ada qilishqa chaqirghan.
مۇناسىۋەتلىك خەۋەرلەر
türkiye-girétsiye ishench turghuzush yighini atinada échildi
türkiye-girétsiye ishench turghuzush tedbirliri yighini atina (afina)da ötküzüldi.
